Bermeo, 2021-04-22
Udaleko beharginen "%69" behin-behineko egoeran dagoela zalatzen dute.
Bermeoko Udaleko beharginek bat egin dute sindikatuek sektore publikoan deituriko lanuzteagaz.
Bermeon ere, Udaletxearentzako lan egiten dutenen 10etik 7 dira aldibaterakoak, badira kasuak 2005etik ari dirala udaletxean. Behin-behineko egoera batean dagoz ordutik. Antzeko egoera bizi dute udaleko beste hainbat beharginek: "Kalkuluen arabera, Bermeoko Udaleko lanpostuen %69 behin-behinekotasun egoera batean dago". Espainiako legediak %8an kokatzen du erakunde publikoetan egon daitekeen gehienezko behin-behinekotasuna. Bermeoko Udalhitz lan hitzarmenean hiru urteko epearen barruan %6ra jeisteko konpromisua jaso zan 2008an baina ez da bete. Euskal Autonomia Erkidegoko erakunde publikoetan %40 ingurukoa da behin-behinekotasuna.
Greba egitea "ezinbestekoa" dela deritzogu. Enplegu publikoa sortu, indartu eta egonkortu behar da. Azken urteotan ikusi dugu beharginak ez direla egonkortzen, eta hori funtsezkoa da zerbitzu on bat eman gura bada. Kontsolidazioa ere giltzarria da. Urteak daramatzagu hemen, lanpostua eta herria ondo ezagutzen ditugu, eta esperientzia hori nabarmendu gura dogu. Lanpostuan urteak daramatzan beharginaren esperientzia kontuan hartu beharrekoa dela uste dugu. Bermeoko Udalean 300 langile daude momentu honetan. Gitxiengo zerbitzuak zenbait arloetan %100ekoak izan dira eta horreek kontatu barik, gainontzeko langileen aldetik jarraipen zabala izan da grebagaz.